Hreinn Orri Hreinsson heiti ég, en flestir þekkja mig sem CoachClean.

Líkamsræktin byrjaði þegar ég var orðinn 22 ára, sem er kannski seinna en margir byrja í dag. Samt small þetta strax. Ástríðan kom snemma, en raunverulegu breytingarnar komu þegar allri óreglu var hent út og þetta varð lífsstíll. Þá fóru hlutirnir að gerast fyrir alvöru.

Hefðbundnar íþróttir áttu ekki alveg við mig. Hokkí var prófað í æsku, en líkamsræktin var það sem passaði. Þess vegna er trúin sterk að sama hvaðan fólk er að koma, það er hægt að byggja upp árangur og jafnvel alvöru áhuga. Þetta þarf ekki að vera “manneskjan sem hefur alltaf verið í íþróttum”.

Reynslan úr þjálfun er víð og djúp. 4 og hálft ár á gólfinu í World Class, síðan 2 ár í fjarþjálfun og einnig styrktarþjálfun með fótboltaliði í smá tíma. Samtals eru þetta 6 ár í bransanum og um 1.000 einstaklingar sem hafa farið í gegnum þjálfun.

Menntun og þróun stoppar ekki. J3 University var klárað, online nám í fitness og bodybuilding, og markmiðið er að halda áfram að læra. Því meiri þekking, því betri þjónusta.

Í apríl 2025 var keppt í tveimur fitness mótum, einu erlendis og einu hér heima. Niðurstaðan var 3. sæti í báðum. Sú reynsla gaf ómetanlega innsýn í ferlið, undirbúninginn og hvað raunverulega þarf til að standa á sviði.

Stærsta gleðin er samt ekki keppnin. Hún er í því að fá að vinna við það sem skiptir máli. Að hjálpa fólki að skilja líkamann sinn og sjá hvað það er fært um. Skilaboð frá fólki sem segir að lífið hafi breyst er það sem gefur mest. Þar kemur aukakrafturinn sem heldur þessu gangandi, dag eftir dag.